સમાજના બંધનોથી દૂર જઇને
જીવવા માટે વલખા મારતો આ જીવ
મુક્તપણે વાદળવિનાના આકાશમાં
વિહરવા માટે મથતો આ જીવ
ત્યાગ અને બલિદાનની દુહાઇ દેતા સંબંધો
એવા આ સંબંધોથી દૂર થવા માગતો આ જીવ
મુક્તપણે વિહરવા મળે છે આખુ આકાશ
છતાં ધરતી પર પાછા આવવા ખેંચાતો આ જીવ
સંબંધોથી દૂર થવા મળે છે ઘણા રસ્તાઓ
છતાં જાતે જ બંધનોમાં જકડાઇ જતો આ જીવ્
ઘડીકમાં આ પાર તો ઘડીક્માં પેલે પાર
બે કિનારાની વચ્ચે વમળોમાં ફસાતો આ જીવ
કુદરતે તો બક્ષ્યાં છે ઘણા બધા રસ્તાઓ
છતાં કંટકોવાળા રસ્તાઓ જ પગદંડતો આ જીવ
અને જ્યારે કંટકોથી છોલાતા પગના ઘા ને જોવે
ત્યારે કુદરતને જ કોસતો રહેતો આ જીવ
કુદરતની લીલાને સમજ્યા પછી પણ
વણસમજ્યા રહેવાનો ડોળ કરતો આ જીવ
કુદરતને જ કોસતો રહેતો આ જીવ
No comments:
Post a Comment