જીવનને કોઇ ને કોઇ પાઠ શિખવતા માનવી

જીવનના દરેક રસ્તે સામે ટકરાતા માનવી
જીવનને કોઇ ને કોઇ પાઠ શિખવતા માનવી

ક્યારેક ધૈર્ય, ક્યારેક સહનશીલતા, ક્યારેક ખુશી
ક્યારેક સહિષ્ણુતા, ક્યારેક અનુકંપા, તો ક્યારેક માનવતા
બચપણથી જવાની સુધી ને જવાનીથી બુઢાપા સુધી
એક એક દિવસ એક એક પળ જીવી જતા માનવી

કદિક ખુશીથી તો કદિક દુઃખ ભર્યા હૈયે
દરેક રંગથી અંતરને રંગી દેતા માનવી
કદિક હાસ્ય, કદિક માર્મિક્તા, કદિક ગમના સથવારે
જિંદગી રૂપી નાવને દુનિયાના સાગરમાંથી પાર કરી જતા માનવી

ક્યારેક મિત્ર બની, ક્યારેક ભાઇ-બંધુ, ક્યારેક ગુરુજી
ક્યારેક બની માતા-પિતા, ક્યારેક સગા-સંબંધી,
ક્યારેક દાદા-દાદી, તો ક્યારેક મામા-માસી બની
કાંઇક ને કાંઇક નવી સમજણ આપતા માનવી

જીવનના દરેક મોડ પર જે પણ સામે મળ્યા
તેમને હર્ષોલ્લાસ્થી અપનાવી જતા માનવી
જીવનના દરેક રસ્તે સામે ટકરાતા માનવી
જીવનને કોઇ ને કોઇ પાઠ શિખવતા માનવી