અંતરનો સાદ

અંતરની અંદરથી આવતો સાદ કંઇક કહી જાય છે
જીવનને કોઇ પણ શરત વગર અપનાવવા ટકોરી જાય છે

આશાઓના સથવારે જીવન જીવવુ જરૂરી છે
પણ આશાઓ પર આશા ન રાખવા સમજાવી જાય છે

દરેક પરિસ્થિતિને ઊંડાણથી સમજી વિચારીને
મંજિલની ઊપરના બધા રસ્તાઓ પરખાવી જાય છે

દરેક પ્રશ્નનો સાચો જવાબ હોય એ જરૂરી નથી
પણ જિંદગી રૂપી આ પરીક્ષામાં પાસ કરાવી જાય છે

હંમેશા આવતા પરિસ્થિતિના પ્રશ્નો સમજાતા નથી
ન સમજાવીને પણ કાંઇક ને કાંઇક સમજાવી જાય છે

અંતરની અંદરથી આવતો સાદ કંઇક કહી જાય છે